Lubakiko ordutegiak aldaketak izango ditu Aste Santua dela eta

Aste Santuan goizez bakarrik izango da zabalik Lubaki kiroldegia. Pazko Astean, berriz, ohiko ordutegia berreskuratuko du. 

Bihartik astelehenera bitartean (bi egunak barne), goizez bakarriko zabalduko ditu ateak Lubaki kiroldegiak. Goizeko 7:30etik 13:00etara bitartean egongo da zabalik zerbitzu hau. 

Igerileku handia familiek erabiltzeko gordeta egongo da egun horietan, eguerdi partean, 11:30etik 12:00etara eta 12:00etatik 12:30era. Igerileku txikia kiroldegia zabalik dagoen ordu guztietan erabili ahal izango dute familiek, beti ere aurrez ordua hartuta.

Pazko Astean, berriz, ohiko ordutegira itzuliko da kiroldegia. Apirilatik 6tik 9ra (biak barne) 6:30etik 21:00etara bitartean izango da zabalik Lubaki. 

Egun horietan, igerileku handia familiek erabiltzeko gordeta egongo da 11:30etik 12:00etara eta 12:00etatik 12:30era goizetan, eta 16:30etik 17:00etara eta 17:00etatik 17:30era. Igerileku txikia kiroldegia zabalik dagoen ordu guztietan erabili ahal izango dute familiek, aurrez ordua hartuta.

Apirilaren 10ean, larunbata, 7:30etik 13:00etara eta 16:00etatik 20:00etara erabili ahal izango dira kiroldegiko zerbitzuak; eta hilaren 11n, igandea, goizez bakarrik, 7:30etik 13:00etara. 

Larunbatean igerileku handia familiek erabiltzeko gordeta egongo da 11:30etik 12:00etara eta 12:00etatik 12:30era goizetan; arratsaldetan 18:00etatik 18:30era eta 18:30etik 19:00etarako tarteetan. Igerileku txikia kiroldegia zabalik dagoen ordu guztietan erabili ahal izango dute familiek, aurrez ordua hartuta.