Udazkenean hasi zuen Zumaiako Distira argazki elkarteak bazkideen arteko lehiaketa. Hilero izango dute lehiaketa maiatzera bitartean, hilero gai desberdin baten inguruan. Otsaileko lehiaketan erretratuak landu behar izan dituzte elkarteko bazkideek, eta hamahiru izan dira parte hartu duten lagunak, 25 argazkirekin.
Epaimahaiaren ustean, David de Llodioren argazkia izan da otsaileko lehiaketako onena. Ez hori bakarrik; bigarren argazki onena ere berea da. Hirugarren saria, berriz, Soraya Lopezek irabazi du.
Hemen ikus daitezke lan sarituak eta lehiaketara aurkeztu diren beste argazkiak.