Mila kasutik gora izan ziren atzo ere Hego Euskal Herrian

1.119 positibo zenbatu zituzten atzo Eusko Jaurlaritzako eta Nafarroako Gobernuko osasun sailek Hego Euskal Herrian.

Egun bat hobeago, bestea okerrago, baina izurriteak bere horretan jarraitzen du. Atzo ere mila positibotik gora izan zen Hego Euskal Herrian.

Osakidetzak emandako datuen arabera, 15.291 proba egin zituzte atzo, eta horietatik 947k eman zuten positibo; positibotasun tasa atzo %6,2koa zen. Lurraldeen arabera: 130 positibo izan ziren Araban, 545 Bizkaian, 264 Gipuzkoan eta beste erkidego edo toki batzuetako 8 kasu ere detektatu zituzten.

Ospitaleen egoerari dagokionez, COVIDaren ondorioz 84 pertsona ospitaleratu ziren atzo, eta gaitza duten 163 pertsona daude ZIUn.

Asteburuetan ez da jakiten herrietako datuak. Astelehenean emango du Osakidetzak horien berri.

Nafarroako Osasunbidek ere eman ditu behin-behineko datuak. Atzo 2.810 proba diagnostiko egin zituzten eta horietatik 172k eman zuten positibo, %6,1ak. Nafarroako Gobernuak ez du ospitaleratuen daturik eman.