Beste bat! zikloaren barruan antolatutako kontzertua izan zen atzokoa. Sarrerak aurrez agortu ziren, eta Aita Marira hurreratu ziren entzuleek Laboaren abesti ezagunak entzuteko aukera izan zuten, beti ere jazzaren galbahetik pasata.
Laboa jazzaren galbahetik pasata
2021ko urt. 8a, 09:10
Iñaki Salvador piano jotzailea izan zuen kolaboratzaile Mikel Laboak bere ibilbide luzeko zati handi batean. Salvador da Laboa Jazz proiektuaren sortzaile, pianista eta zuzendaria, eta Laboaren musika estilo ugaritara egokitu daitekeela erakutsi zuen atzo Zumaian, Aita Mari aretoan emandako kontzertuan.