Udalak azaldu duenez, Eskola bidea proiektuaren baitan udal ordezkari eta teknikariek, herriko ikastetxeetako ordezkariek zein guraso elkarteetako kideek herrian hobetu beharreko zenbait gune identifikatu dituzte. Aipatutako bidegurutzea da horietako bat, eta eskolarako bidea "irisgarriagoa eta seguruagoa" izan dadin konponketa lanak egingo ditu udalak.
Hori dela eta, gaur eta bihar bidegurutze horretako semaforoa itzaliko dute. Bihar, urtarrilaren 8a, eskola eguna izanik, eta jakinda ikasle ugarik puntu horretan zeharkatzen duela errepidea, udaltzainek bideratuko dute trafikoa ordu tarte horietan.