Zumaiako Udalak dirulaguntza lerroa zabaldu zuen koronabirusaren ondorioz galerak izan zituzten herriko autonomoei eta enpresa txikiei laguntzako. Laguntza horiek eskatzeko baldintza batzuk bete behar zituzten: Errege Dekretuaren ondorioz jarduera eten izana, edo jarduera zabalik izanda ere, iazko kopuruekin alderatuta, fakturazioa %40 baino gehiago murriztu izana. Aurkeztutako gastuen eta diru sarreren murrizketaren arabera 2.000 eurora arteko dirulaguntzak jaso ahal izan zituzten autonomo edo negozio hauek.
Urte amaierarekin batera, dirulaguntza hauek zuritzeko epea zabaldu da. Horretarako, dokumentuak telematikoki aurkeztu beharko dira, urtarrilaren 31ra bitartean. Telematikoki egiteko zailtasunak izanez gero, udaletxeko harrerara jo ahal izango da.
Honako dokumentuan aurkeztu beharko dituzte:
- V. ERANSKINA: Diru laguntzak justifikatzeko inprimakia
- Diruz lagungarriak diren gastuen (2020ko martxoaren 14tik maiatzaren 13 arte bitartekoak) fakturak
- Faktura horien bankuko ordainagiriak
- Bankuaren ziurtagiria(k) egiaztatzeko pertsona/entitate eskatzailea titularra den kontu guztietako (funtsak barne) banku saldoa guztira ez dela 80.000 eurotik gorakoa izan martxoaren 14aren eta maiatzaren 13 artean, biak barne
- Gizarte Segurantzaren ziurtagiria, egiaztatuko duena langile kopurua eta haien lanaldia, eskaera aurkeztutako datan
- III. ERANSKINA: Beste diru laguntza eskaera batzuei buruzko adierazpena