Bitoriano Gandiagaren Orain hau, orain bestea olerkia irakurri, eta Euskal Herrian Euskaraz abestiarekin borobildu dute ekitaldia. Guztira, 1.500dik gora zumaiarrek hartu dute parte bi astez hizkuntza ohiturak aldatzeko ariketan. Antolatzaileek arrakastatsutzat jo dute aurtengo edizioa.
Euskararen Egunaren biharamunean eman diote amaiera bigarren ariketa sozialari. Herriko Ahobiziak eta Belarriprestak Beheko plazan elkartu dira argazki bat atera eta aurtengo Euskaraldiari agurra emateko.