Salgai daude turismo bulegoan 'Gu primer!' antzezlanerako sarrerak

Ray eta Nick bueltan dira. Inazio Tolosak eta Ramon Agirrek sortutako pertsonaiek beste abentura bat biziko dute. Xentimorik gabe taldeak bere azken antzezlana aurkeztuko du urriaren 17an, larunbata, 20:00etan Aita Mari aretoan: Gu primer! Sarrerak salgai daude jada turismo bulegoan, 6 euroan; 4 euroan Gazte Txartelarekin. 

Inazio eta Ramon "Parisen" bizi dira, Artistaren Etxean. Bertan lanean hasi berri den Nereak "programa" bat prestatu du gure bi lagunentzat: kontzertu sorta bat eskainiko dute, non beren errepertorioa eta bizipenak kantuz kontatuko dituzten.

Gaurkoan balentria handi baten berri emango dute: ez amerikarrak, ez errusiarrak; bi euskaldun izan ziren ilargira iristen lehenak (Gu primer!).

Honako hau da "Xentimorik gabe"-ren miraria posible egin duen taldea:

  • Artistak: Inazio Tolosa, Ramon Agirre, Nerea Gorriti
  • Testuak: Egoitz Lasa, Ramon Agirre
  • Musika: Ramon Agirre
  • Zuzendaria: Asier Sota
  • Ekoizlea: Martin Agirre
  • Argien diseinua: Andoni Mendizabal
  • Soinua: Aieka soinua
  • Kartela: Josean Jaramago