Soraya Lopez izan da argazki lehiaketako irabazlea, ematen ziren bi sariak berak jaso dituelako: epaimahaiaren saria eta publikoarena. Lopezek, Puente del Congoston (Salamanca, Espainia) abuztuan ateratako argazkiarengatik irabazi du lehiaketa. Begi Bistan-en eskutik bi lagunentzat Oria ibaian piragua ibilaldia eta Sastarrainen bi lagunentzako zaldiz ibilaldia jasoko ditu.
Lehiaketan parte hartu duten guztien artean Goiz Argazkien emandako argazki handitzea eta formatu berri batean egokitzea zozkatu du Baleikek. Irabazlea Nahia Garcia izan da.
