Legution, Araban, jokatu dira gaur Gipuzkoako Batel Txapelketako finalak, 11:00etan hasita. Zumaiarrek kadeteen kategorian hartu dute parte, bai nesketan, bai mutiletan. Eta emaitza onak lortuta etxeratu dira: zilarra eskuratu dute mutilek, eta brontzea, berriz, neskek.
Oriotarrek hartu diete aurrea zumaiarrei mutiletan, eta bi segundo eskaseko aldeagatik galdu dute lehen postua Telmo Deunekoek.
Neskei dagokienez, San Juan oso erraz gailendu zaie oriotarrei eta zumaiarrei, 26 segundoko aldea aterata oriotarrei, eta 28koa, berriz, zumaiarrei. Lehia estua egon da beste bien artean, baina hemen ere oriotarrek lortu dute zumaiarren aurretik helmugaratzea.
EMAITZAK. Ikusi hemen emaitza guztiak.