Uda denboraldia bukatzear da, baina eguraldi eguzkitsuak bultzatuta edo, jende ugari ibili da egunotan Zumaiako hondartzetan. Atzo, igandea, herritar batek kexa bidali zuen Baleikera, argazki honekin lagunduta. Amaia plazako semaforoak edukiera % 65ekoa zela zioen arren, Itzurun hondartzara sartzeko ilara luzeak topatu zituzten. Gainera, erabiltzaile horren arabera, ordubete itxaron zuten hondartzara sartzeko, baina lekua bazegoen. "Zertarako dago aplikazioa? Zertarako dago Amaia plazako semaforoa?", galdegin du.