Ikusle kopuru handia hurreratzen da urtero orkestra honen kontzertuak entzutera. Pandemiak baldintzatutako jaialdian, Sapereren gonbidapenak izan ziren agortzen lehenetakoak. Atzo Zumaienara hurreratu ziren entzuleek emanaldi ederra jarraitzeko aukera izan zuten.
Organoa eta txistua gaur
Donostiako Musika Hamabostaldiko kontzertuak ere hartzen ditu Zumaiako jaialdiak, eta gaur organo zikloko emanaldia izango da parrokian. Organo eta txistu kontzertua eskainiko dute Mari Karmen Azpeitia organo jotzaile zumaiarrak eta Garikoitz Mendizabal txistulari zestoarrak. Kontzertua 20:30ean izango da San Pedro parrokian, eta gonbidapenak agortuta daude dagoeneko.