Jaialdiko bigarren partida jokatu zuen Iñaki Osa Goikoetxea zumaiarrak, Manci mutrikuar gaztearekin bikotea osatuta. Barandika eta Etxeto izan zituzten aurkari finalerdian. Lehenek irabazi zuten lehen seta 15-11 emaitzarekin. Bigarrenean Barandikak eta Etxetok aldea zabaldu zuten (1-6, 2-9), eta gorriek berdinketa hautsiko zuen seterako gorde zituzten indarrak (4-15). Hirugarren set horretan nagusi izan ziren gorriak (5-1), eta hala finalerako txartela lortu zuten.
Datorren ostiralean, hilaren 7an, jokatuko den finalean Goixerri eta Lekerika izango dituzte aurkariak. Hauek atzoko lehen partida jokatu zuten, eta bi setetan irabazi zieten Goenaga eta Amarri (15-13, 15-9).