Osa+Mujikak zuzendutako lana da hau, eta Raymond Naval ariko dira dantzan. Expectations will not kill you helburu hauek lortzen ez direnean sentitzen den tristezia sentimendutik abiatuta sortu dutela diote obraren sortzaileek. "Hainbeste desiratutako festa hori, hainbeste atsegin duzun pertsona aurkituko duzun festa hori… zenbat arratsalde pasa ditugu gure burua txukuntzen, zoriontsu, gaueko festan gertatuko dena imajinatuz? eta nor ez da etxera zeharo triste bueltatu imajinatutako ezer bete ez ostean?".
Dantza garaikide saio hau ikusteko beharrezkoa izango da gonbidapena eskuratzea, turismo bulegoan. Beste ikuskizun guztietan bezala, ezinbestekoa izango da distantziak gordetzea eta maskara eramatea.