Azken egunotan itsas kiroldegiaren inguruan jende pilaketak sortu direla eta, udalak arduraz jokatzeko eskatu die herritarrei. Batetik, gogoratzen du inguru hori guztia kirol gunea dela –Telmo Deun arraun elkartearen, Itxas-Gain piraguismo klubaren, eta Olarru-sub urpekaritza taldearen egoitzak hor daude–, eta debekatuta dagoela bertan bainua hartzea, eguzkia hartzea, eta, orokorrean, joan-etorria oztopatzea.
Bestalde, COVID-19aren ondorioz bizi dugun osasun krisia dela eta, pilaketa hauek saihestearen garrantzia nabarmendu du udala beste behin ere, herrita guztion "ardura eta elkartasunean" azpimarra eginez.