Ostegunean, hilak 9, hondarra erabilita eskulturak egiten ikasteko tailerra izango da Torreberriko aterpean. Bi saio egingo dituzte; 17:00etan bata –beteta dago dagoeneko–, eta 18:30ean bestea. 4 urtetik gorakoei zuzendurikoak izango dira bi saioak, eta Udalak jakinarazi du dagoeneko izena eman daitekeela, alondegia@zumaia.eus helbidera idatzita. Bakoitzak bi izen eman ahal izango ditu gehienez ere. Gogorarazi nahi izan dute tailerrean parte hartzeko maskara janztea ezinbestekoa dela.