Gaur, astelehena, zabaldu dute Zumaiako TAO bulegoa. Uda sasoi guztian zabalik izango da, astelehenetik ostiralera, 9:00etatik 13:30era eta 17:00etatik 19:30era. Txartel berria egiteko, zalantzak argiteko edo aldaketen berri emateko, bulegora deitu edo idatzi beharko dute herritarrek (672 098 718 / zumaiatao@eysaservicios.com) hitzordua hartzeko. Hala, jende pilaketak saihestu nahi dituzte.
Aurten kokapen berria izango du bulegoak, hain zuzen ere, Kantauri plaza 7an ezarri dute. Gernikako parkearen aldetik izango dute sarbidea herritarrek.
