Santelmoetako lehiaketetako sariak banatu dituzte

Gertu merkatari eta ostalarien elkartearen eskutik jaso dituzte sariak lehiaketetako irabazleek. Elkartearen parte diren dendetan erabiltzeko bonoa jaso dute opari. Bertso lehiaketako irabazleek, berriz, urriko santelmoetako bertso saioko sarrera eskuratu dute.

Lau lehiaketa izan ziren Santelmoak Etxetik egitarauaren barruan: balkoi originalenarena, bertso onenarena, bingoa eta pintxo onenarena. Baleiken egindako bozketan erabaki zituzten herritarrek lehiaketa bakoitzeko irabazleak, eta gaur eskuratu dituzte sariak. 

Balkoi eta pintxo lehiaketako sariak eta bingokoa Gertu merkatari eta ostalarien elkarteak banatu ditu: elkarteko saltokietan erabiltzeko 50 euroko erosketa txartelak banatu ditu hiru lehiaketa horietako irabazleen artean, eta parte hartzaile guztien artean, 30 euroko beste erosketa txartel bat zozkatu dute. Bertso onenaren lehiaketan, berriz, Zumaiako Udaleko Kultura Sailak eman du saria. Kasu horretan, urriko santelmoetan izango den bertso saioko sarrera eskuratu dute irabazleek. 

Balkoi originalena
Irabazlea: Nerea Aramendi Galarraga
Zozketa bidez: Iker Hernandez Burgos

Pintxo lehiaketa
Irabazlea: Libe Zubimendi
Zozketa bidez: Alaitz Ibarguren

Bingoa
Irabazlea: Maialen Prieto Sanchez
Zozketa bidez: Maider Azkue Bikandi

Bertso lehiaketa
Peru, Manex eta Lur Calvo Etxabe