Balkoiak eta leihoak jantzi dituen Aberri Eguna

Ez ohiko Aberri Eguna izan da gaurkoa. Covid-19 gaitza ez hedatzeko ezarritako koarentenaren ondorioz, ezin izan da inolako ekitaldirik egin, eta etxean gordeta igaro behar izan da eguna. Balkoiak eta leihoak baina, ikurrinez eta Nafarroako banderez jantzita esnatu dira. Ez ohiko eguna izanda ere, garbi geratu da gaur Aberri Eguna izan dela.