Ohikoa dutenez, bi saio eskainiko dituzte Pirritx, Porrotx eta Marimotots pailazoek Zumaiena ikastetxeko aretoan. 15:00etan izango da lehena eta 17:30ean bigarrena. Internet bidezko sarrerak berehala agortu ziren, baina Udaleko Kultura Sailak adierazi duenez, bi saioetarako sarrerak geratzen dira. 14:00etatik 15:00etara birtartean izango dira sarrera hauek salgai Zumaiena bertako atean.
Ekitaldi jendetsuak izango dira, eta Alondegiak ohar batzuk helarazi ditu:
- Umeen aulkiak aretora ezingo dira sartu (kontuan hartu kanpoan utzi ahal izango direla, baina ez dela inor egongo aulki horiek zaintzen).
- Tarteko alferrikako jarleku hutsik ez utzi.
- Txamarrak edo trasteak uzteko jarlekurik ez erabili.
- Ezin da txutxerik jan antzerki emanaldietan.
- Eta gogoratu, Inauteriak dira, mozorrotuta hobe!
- Hau guztia errespetatzen badugu ziur ume eta ez hain umeek festa zoragarria igaroko dugula!