Magnolio aurrean elkartu eta burutzen ari diren borrokaren berri ematen aritu dira, kartelak jartzen eta eskuorriak banatzen. Salatzen dutenez, lan taldearen herena baino gehiago ez da iristen 1.000 euro kobratzera, eta egoitza batzuetan bi laguntzaile besterik ez daude 140 erabiltzaile zaintzeko. Gizonezkoek lan egiten duten sektoreekin alderatuta, soldatetan desberdintasuna daudela ere salatu nahi izan dute. Aldea 6.000 eurora heldu daitekeela esan dute.
Martxoaren 8arekin lotu dute egoitzetako langileek kanpaina berri hau. "Benetako politika feministak egin nahi badituzte, aukera badukate, baina ez dute nahi. Sektoreko gatazkan gertatzen ari dena Aldundiaren erantzukizuna da, sektorea %90ean finantzatzen baitu. Langileen eta egoiliarren ongizatea euren esku dago eta gero eta argiago daukagu", azaldu dute ELA sindikatutik.