Abisu horia ezarri dute kostaldean olatu handiengatik

Eusko Jaurlaritzako Segurtasun Sailak abisu horia ezarri du biharko eta etzirako kostaldeko herrietan. Nabigaziorako arriskuagatik zein olatuek kostaldean eragin ditzaketen kalteengatik ohartarazi dute. 

Bihar 21:00etatik aurrera 3,5 eta 4 metroko olatuak espero dira. Etzi, lehen ordutik 18:00ak arte mantenduko dute abisua. Testuinguru horretan 4 eta 4,5 metro arteko olatuak espero dira goizean. 03:00etatik aurrera 4,32 metroko olatuak izatea aurreikusten du Jaurlaritzak.