Hiru kirol proba herrikoi jokatuko dira Zumaian eguberrien bueltan, guztiak ere doakoak. Hona hemen hiru proben inguruko informazioa:
Areto futbol txapelketa
Abenduaren 24ean, asteartean, jokatuko da sariketa Lubaki Kiroldegian. 9:15ean hasi, eta goiz osoan zehar jokatuko dira partidak. Abenduaren 20a baino lehen eman beharko dute izena parte hartu nahi duten taldeek, eta izen-ematea doakoa da.
Parte hartzeko baldintzak honakoak dira:
-
Doakoa da izen-ematea
-
Taldeka parte hartuko da
-
16 urtetik gorakoentzako txapelketa da
-
Izen-ematen duen talde bakoitzak epaile bat proposatu beharko du
Izen-emate prozedurari dagokionez:
-
Epea: abenduaren 20a, 18:00ak arte
-
Lekua: Kirol Patronatuan (Lubaki kiroldegian)
-
Datuak: izen-emate orria beteta entregatu beharko da
Araudia izen-emate orriarekin batera emango zaie taldeekideei eta antolaketa-bilera abenduaren 20an izango da, 19:00etan Lubaki kiroldegian.
Informazio gehiago behar izanez gero, idatzi kirolak@lubaki.eus helbidera.
Xake txapelketa
Abenduaren 26an, ostegunean, Gabonetako Xake Txapelketa jokatuko da Alondegian, 16:00etatik aurrera.
Izen-ematea doakoa da eta bi kategoria desberdinetan jokatuko dira partidak:
-
14 urte baino gutxiagoko parte hartzaileak (16:00etan)
-
Helduak (18:15ean)
Izen-emate prozedurari dagokionez:
-
Epea: abenduaren 25a, 18:00ak arte
-
Emailez (zumaiakoxaketaldea@gmail.com) edo telefonoz (630-93-70-41) eman daiteke izena
Zumaiako X. San Silvestre txapelketa
Abenduaren 31n, asteartean, izango da lasterketa. Eusebio Gurrutxaga Plazatik abiatuko da proba, 12:00etan. Doakoa da izen ematea.
Kirol proba honetan ez da sailkapenik egongo, eta parte hartzaile guztien artean kirol materialarekin osatutako sortak zozketatuko dira.
- Haurrak (LH1-LH2): 250 metroko lasterketa (heldu batekin batera egin beharko dute proba
- Haurrak (LH3-LH4): 250 metroko lasterketa (binaka egingo dute lasterketa)
- Haurrak eta nerabeak (LH5-DBH2): 1.100 metroko lasterketa (banaka, korrika edo patinetan)
- 14 urtetik aurrerako gazte eta helduak: 5.000 metro (banaka, korrika edo patinetan)
Izen-emate prozedurari dagokionez:
-
Epea: abenduaren 30a, asteartea (egunean bertan ezin izango da izena eman)
-
Lekua: Kirol Patronatuan (Lubaki kiroldegian)
-
Datuak: izen-emate orria beteta entregatu beharko da
Araudia eta dorsala izen-emate orriarekin batera emango zaie parte hartzaileei.
Informazio gehiago behar izanez gero idatzi kirolak@lubaki.eus helbidera.