Zumaiako udal baratze parkean, Keretxudin, hutsik dauden partzelak eskuratzeko deialdia egin du Udalak. Interesdunek NANaren fotokopia eta 2018ko errenta aitorpena aurkeztu beharko dute udaletxean, hilaren 17a baino lehen.
Interes talderen batekoa diren herritarren kasuan, kolektibo horretakoa izateko bete beharreko baldintzak betetzen direla egiaztatzen duten dokumentazioa ere aurkeztu beharko da, hala nola: langabezian egotearen edo DBE jasotzearen dokumentu egiaztatzailea; aniztasun funtzionalaren dokumentu egiaztatzailea; edota, elkarbizitza-ziurtagiria eta epaitegiko sententzia.