Hiru ipuin kontaketa izango dira abenduan haur liburutegian

Datorren astean izango da lehendabiziko saioa, abenduaren 13an. 

Abenduan zehar ipuin kontaketak izango dira haur liburutegian, etxeko txikienentzat. Datorren astean, abenduaren 13an, izango da lehenbiziko saioa: Uretako ipuinak kontakizuna eskainiko die Eneritz Artetxek 5 eta 8 urte bitarteko haurrei. Saioa 17:30ean hasiko da. 

Harrapeketetan haizearekin, kontukontari zurekin ipuin kontaketa, aldiz, abenduaren 19an izango da. Kontukantoik eskainiko du emanaldia, 17:30ean hasita. Kasu honetan, 3 eta 8 urte bitarteko haurrei zuzendutako kontakizuna izango da. 

Azkenik, abenduaren 30ean, Detektibeak liburutegian ipuin kontaketa izango da, Apikaren eskutik. Emanaldia 17:30ean hasiko da, eta 5 eta 8 urte bitarteko haurrei zuzendua dago saioa.