Goizeko 9etan zabaldu dituzte hautetsontziak. Hauteskunde hauetan 7.690 herritarrek dute botoa emateko aukera, eta ordu bietarako 3.296ek eman dute botoa, hau da, errolda osatzen dutenen %42,86ek. Orain sei hilabeteko hauteskundeekin alderatuta, 73 boto emaile gutxiago hurreratu dira hauteslekuetara; apirilaren 28an erroldaren % 44,01ek eman zuen botoa eguerdiko ordu bietarako. Urola Kostako eskualde mailan, bizilagunen %42,11k eman dute botoa.
Iluntzera arte dago botoa emateko aukera; hautetsontziak 20:00etan itxiko dituzte.