10 kilometroko ibilbidea duen proba honetan Unai Arroyo, Kamel Ziani eta Amilibia ziren oilar nagusiak irteerako marran. Hasieratik laukote bat sortu zen buruan, eta hala mantendu ziren 5. kilometrora arte. Arroyok erritmo aldaketa bortitza egin, eta lasterketako burua txiki-txiki egindako utzi zuen.
Amilibia saiatu zen Arroyo jarraitzen, baina erritmo aldaketak ez zuen amaierarik, eta aldeak areagotzen joan ziren Arroyo tolosarraren eta Amilibia zumaiarraren artean. Zianik begi bistan zuen Amilibia, eta 8. kilometroan harrapatu zuen.
Arroyok nagusitasun osoz irabazi zuen krosa, eta bigarren posturako borroka izan zen. Helmugara heltzeko 700 metroren faltan erritmoa aldatu zuen Amilibiak, eta Ziani oriotarrak ezin izan zion erantzun, eta bigarren postuan heldu zen, iazko 3. postua hobetuz. Kros denboraldia hasteko hiru aste falta diren honetan, test polita izan du korrikalari zumaiarrak.