Helene Alberdik Espainiako triatloi txapelketa irabazi du, gaur Ibizan jokatutako proban. Igeriketan alde handia ateratzea lortu du, eta 26:45eko denboran amaitu du 2.000 metroko lasterketa. Bizikletako 85 kilometroak ere lehenbiziko postuan amaitu ditu Zumaiako bizilagunak, bigarrenari 57 segunduko aldea aterata. Azkenik, 21 kilometroko korrikaldiarekin amaitu du proba, 4:20:43ko denboran osatuta.
Alberdik lortzen duen hirugarren titulua da Espainiako probetan: distantzia erdiko duatloiko eta distantzia luze eta erdiko triatloietako txapelduna da.