Emakumezkoen 23 urtez azpikoen proban hartu du parte zumaiar gazteak. Txinako 10:30ean (hemengo 04:30ak) jokatu dute proba, eta 22,10 kilometroko distantzia bete behar izan dute piraguistek.
Itxas Gaineko kirolaria hirugarren postuan heldu da helmugara, estropada bikain bat egin ondoren. 1:51:30,55 denbora egin du Irati Osak brontzezko domina irabazteko. Irabazlea Lili Katona hungariarra izan da, 1:49:53,66 denborarekin, eta bigarren Anna Sletsjoee norvegiarra, 1:51:15,13 denborarekin.
Iratik beste proba batean ere hartu du parte Txinan, binakakoan, hain zuzen ere, maila absolutoan, Arantza Toledo Gaztela-Mantxako piraguistarekin bikoa osatuta.
Egunean zehar saiatuko gara Iratirekin harremanetan jartzen bere hitzak jasotzeko.