“Etxera bueltan autoren batek zapalduko ote gaituen beldur ez izateko; eskolara, lanera, erosketak egitera nahiz hondartzara bizikletaz edo oinez joan ahal izateko; gutxiago kutsatzeko; autoaren menpe bizi beharrik ez izateko; eta azken batean, herritarron bizi kalitatea hobetuko duelako”. Horregatik guztiagatik, bidegorria amaitzea eskatuko dute beste behin datorren igandean, Arroako Bidegorriaren Aldeko Taldeak deitutako martxaren bidez.
11:30ean aterako dira Zestoatik eta Zumaiatik martxa osatuko duten bi zutabeak; Zestoakoa aurten Gurutzetik aterako dela nabarmendu nahi izan dute antolatzaileek, eta ez Lasaotik, “Lasao-Zestoa arazoari konponbidea eman zaiolako”. 12:00etan pasatuko dira Iraetatik Zestoako zutabea eta Narrondotik Zumaiakoa, eta bi zutabeek 12:30ean egingo dute bat Arroako autobideko sarrerako biribilgunean. Han ekitaldia eginda, festa giroan borobilduko dute martxa Arroa Behean, pintxoekin eta musikarekin.
Hemen irakurri daitezke Arroako Bidegorriaren Aldeko Taldeko kideen hitzak.