Atzo arratsaldean aurrestreinatu zuen Ekain Albitek Erroitz, bere lehen lan ofiziala. Aretoa jendez gainezka egon zen zumaiarraren lehen lan hori ikusteko, eta filmak ez zuen hutsik egin; publikoak txalo zaparraden artean jaso zuen proiekzioa amaitu zenean.
Albiterekin batera, pelikulako hiru aktoreak eta Bartzelonako eskolako taldekideak izan ziren. Ikusleen galderak erantzun zituzten, eta hemendik aurrera zine jaialdietan erakusteko asmoa dutela argitu zuten.