Herriko hiru zesta-puntista izan ziren atzo Aitzurin jokatutako finalaurrekoetan. Egiguren-Lopez bikotea Olharan-Minvielleren aurka neurtu zen lehenengo partidan: 15-11 15-11 emaitzarekin sailkatu ziren Egiguren eta Lopez.
Bigarren partidan, aldiz, Goikoetxea-Basque bikotea aise gailendu zen Cosme-Etchetoren aurka, markagailua 15-4 15-10 utzita. Beraz, zumaiarren arteko finala izango da hilaren 27an jokatuko dena. Aitzuri frontoian izango da, 22:00etan.