Imanol Manterolak argazki erakusketa zabalduko du gaur Donostian

Palestinako kooperatibetara egindako bidaian ateratako argazkiekin osatutako erakusketa zabalduko du gaur Imanol Manterola zumaiarrak Donostian. Emakumea palestinar kooperatibetan du izena erakusketa honek, eta irailaren 6tik urriaren 31ra arte izango da Aiete kultur etxean. 

Manterola iazko urte amaieran izan zen Palestinan, Bakerako Lankidetza Batzarrea erakundeak antolatutako bidaian. Palestinan zehar zabaldutako kooperatibetan izan zen argazkilaria, eta emakumeek kooperatiba hauetan egiten duten lana jaso zuen bere kameraren bidez. 

Bidaia honen inguruko elkarrizketa argitaratu zuen Baleike aldizkariak aurtengo otsailean.

Erlazionatuak

Imanol Manterola: “Palestinara joateak kontzientzia esnatu dit”

Zumaia

Zisjordaniako emakumeen ahalduntze prozesuaren lekuko izan zen Imanol Manterola pasa den abenduan. Emakume horiek garatzen ari diren proiektuak eza...