2019/2020 ikasturteko klaseak irailaren 9an hasiko dira. Musika eta dantza diziplinetan aukera zabala eskaintzen du Musika eta Dantza Eskolak, joera desberdinak landuz, bai bakarkako lanetan baita taldean ere.
Musika Eskolako izen-ematea by baleike on Scribd
Bestalde, urritik otsailera bitartean (luzatzeko aukerarekin) plaza dantzen eta dantza garaikideen ikastaro trinkoak eskainiko dira. Baita antzerki ikastaroa eta 2-3 urte bitarteko haurrentzako musika tailerra. Ikastaro horietarako matrikulazio berezia zabalduko da irailaren 16tik 23ra.
Ikastaro horien helburua edozein adinetako pertsonei dantza eta musikaren arloetan prestakuntza praktikoa ematea da. Baita lanbide-heziketarako prestaketa, interesa edo bokazioa duten pertsonei eskaintza profesionala ematea ere.
Musika eta Dantza Eskolaren lana urtean zehar
Musika eta Dantza Eskolak, Zumaiako gizarte eta kultur bizitza aberasteko eta dinamizatzeko asmoarekin hainbat jarduera antolatzen ditu urtean zehar: Xexili astea, inauteriak, san telmoak, elkartrukeak, topaketak, entzunaldi eta kontzertuak, dantzari txikiak…