Olha eta Minvielleren aurka neurtu ziren finalean Goikoetxea eta Inza. Olha eta Minvielle 4-0 jarri ziren aurretik markagailuan, baina Goikoetxea eta Inzak azkar erreakzionatu zuten eta ia ohartu gabe 5-10 emaitzarekin jarri ziren dominatzen. Lehen seta 7-15 emaitzarekin amaitu zen. Bigarren setak ez zuen kolorerik izan eta 3-15 emaitzarekin irabazi zuten Goikoetxeak eta Inzak.
Bikote honek udan jokatzen diren txapelketetatik bi irabazi ditu: Miarritzeko Urrezko eskularrua eta Donibane Lohizunen jokatutako Slam Internationaux hau.
Bideoan ikus daiteke atzo jokatutako partida.