Salegik eta Aizpuruak lan asko egin behar izan zuten txapela janzteko. 3-0 jarri ziren aurretik markagailuan, baina berehala jarri ziren martxan Oihan Etxabe eta Gaizka Mendizabal. Finalaurrekoan min hartu zuen Jokin Gorostolaren aurka jokatu zuen Etxabe aizarnazabaldarrak finala. Bosna izan zen partidan zehar izandako berdinketetatik lehena (5-5, 6-6, 7-7, 9-9). Urdinez jokatu zuten Etxabek eta Mendizabalek hiru tantoko aldea izan zuten partidako une batean (10-13), baina gorriek azkar berdindu zuten berriro ere markagailua (13-13, 14-14, 15-15, 18-18). Borroka gogorra izan zen aurreko koadroetan Salegiren eta Etxaberen artean; Aizpuruak eta Mendizabalek, berriz, jokoari eusten zioten atzealdean. Partidaren amaieran edozer gauza gerta zitekeen, eta azkenean Salegik eta Aizpuruak lortu zuten garaipena 22-20 emaitzarekin.
Aurretik 3. eta 4. postuak erabakitzeko partida jokatu zuten Unai Antia eta Aitzol Olidenek, Xabat Sasain eta Joakin Gorostolaren aurka. Partidaren lehen zatian berdinketa handia izan zen markagailuan (6-5, 6-6, 7-6, 10-7). Partidaren erditik aurrera ihes egin zuten, ordea, Oikiako bikoteak, eta 22-16 emaitzarekin irabazi zuten partida.