Ekitaldi sorta batekin ospatuko du Coro Prieto estetika zentroak bere 40. urteurrena

Coro Prieto estetika zentroak 40 urte betetzen ditu eta urteurrena ospatzeko ekitaldi sorta bat antolatu du. MIMATU - Barrutik eta kanpotik zaintzeko festa izena jarri diote, goizetik eguerdira bitartean egingo da, eta bertan herriko beste merkatari batzuek ere hartuko dute parte. 

Ospakizun irekia izatea nahi izan dute antolatzaileek, eta zumaiar guztiak gonbidatu dituzte Gernika parkean egingo diren ekitaldietara.

Festa goizeko 9:30etik 14:30era egingo da eta Zumaiako beste merkatari batzuen laguntzarekin ekintza sorta bat antolatu dituzte.

  • 9:30ean, Yoga ikastaroa egingo da Surfing Zumaiaren eskutik.
  • 10:30ean, Maiaur-ek prestatutako "gosari osasuntsua" izango da.
  • 11:00etan, totebag bat pintatzeko tailerra eta mandalak marrazteko momentua Mandala Paperdendarekin.
  • 11:30, Nail Art, Coro Prietok azazkalak pintatzeko txokoa.
  • 12:30etan, On Gourmetek prestatutako pikoteoa Jone & Co.-ren kontzertua entzun bitartean.
  • 14.30etan festa itxiera.

Sarrera irekia izango da guztientzat baina yoga ikastarorako eta tailerrentzako toki mugatuak izango direnez aurretik izena ematea eskatzen da coroprieto@coroprieto.com helbidera mezu bat bidaliz.