Dendak kalera aterako ditu bihar Gertu elkarteak

Gertu Zumaiako merkatarien elkarteak braderie delako ekimena egingo du bihar herrian. Elkarteko dendariek Erribera kalean zehar kokatuko dituzte beraien saltokiak, horretarako egokitutako karpa batzuetan. 

Braderiak goizeko 10:30etik 20:30era egingo da, eta ekintza dinamizatzeko ekitaldi sorta bat ere prestatu dute.

  • 11:30ean, umeentzako aurpegi margoketa.
  • 13:00etan Apaxi taldearen eskutik, antzerki ibiltariaren emanaldia.
  • 18:00etan, helduentzako makillaje ikastaroa.
  • 18:30etan, DJ Xabi.

Bestalde, erosketak egiten dituzten bezeroen artean 50 euroko lau erosketa bono zozkatuko dituzte.