Egun bat dago jarrita hondakin horiek ateratzeko. Zumaiako kasuan, ostegunetan atera daitezke, 20:00etatik 22:00etara bitartean.
Hondakin handi gisa hartzen dira tresna eta altzariak, bestela esan, etxebizitza berritu edo aldatzearen ondorioz herritarrek baztertzen dituzten etxeko altzari eta ekipamenduak:
altzariak, etxeko tresna elektrikoak, handiak eta txikiak, informatika eta telekomunikazio ekipoak, kontsumorako aparailu elektronikoak, edota erabili ezin diren etxeko bestelako tresnak.
Debekatuta dago:
- Maneiatzeko bitarteko mekanikoak (garabiak, poleak...) behar dituzten hondakinak edo bere horretan garraiatu ahal izatea ezinezko egiten duten hondakinak uztea.
- Hondakin handiekin batera bestelako hondakinak uztea, bereziki eraikuntzako obra txikietako hondakinak, etxeko konponketa eta berritze lanetako hondakinak, pneumatikoak...
- Hondakin handiak uztea Udal Elkarteko zerbitzu teknikoek horretarako ezartzen dituen egun eta ordutegitik kanpora.
Nahi izanez gero, hondakin handiak garbiguneetara eraman daitezke. Astelehenetik larunbatera zabalik daude.