Udaltzaingotik adierazi digutenez, sua Rosi Garbiketak enpresak Gorostiagako industrigunean duen pabilioian izan da. Larrialdi zerbitzuak bertaratu dira eta 18:00ak alderako sua kontrolpean zuten. Zorionez, zauriturik ez da izan, baina kalte materialak handiak dira. Udaltzaingoaren esanetan, enpresa erabat erre da, eta suak kalteak eragin ditu ondoko enpresetako hormetan ere. Une honetan ez dakite zerk eragin duen sua.
Argazkiak: Arnaitz Rubio Aprea.