V. Dantzari Txiki Eguna ospatuko dute hilaren 9an, igandea, Txori Txiki musika eta dantza eskolako dantzariek. Getariako Gure Txeruko eta Lesakako Tantirumairukoak ere Zumaian izango dira.
11:15ean hasiko dute eguneko egitaraua, kalejirarekin. Ondoren, eguerdian izango da eguneko ekintza nagusia: 13:15etik aurrera, dantzarien emanaldiak izango dira Beheko plazan. Bazkalondoren, 16:30ean, dantzaldia izango da Modestoren eskutik. Eguraldi txarra egingo balu, emanaldia kiroldegian egingo litzateke.