Zesta puntako Gipuzkoako buruz buruko finala jokatuko dute larunbatean Luken Aizpurua eta Eduardo Agirre zumaiarrek. Lehenengoak Eñaut Urreisti izango du aurkari, eta bigarrengoak, berriz, Arkaitz Izagirre. Bi final horiez gain, jubeniletan Vittor Hernandez eta Aratz Mendizabal izango dira aurkari, eta senior bigarren mailan, berriz, Alain Garcia eta Iñigo Hernandez.
Igandean, berriz, Herriarteko txapelketako hiru partida jokatuko dituzte Zumaia eta Donostiako taldeek kadete, jubenil eta senior mailatan. Finalerako sailkapena izango dute jokoan.