BIDEOA: Kobazulo eder bat parrokiaren azpian

San Pedro parrokiaren azpian dagoen kobazuloan sartzeko aukera izan dugu EHUko geologo talde batekin. Laginak hartzera sartu dira, kobazuloa datatu eta nola sortu zen hobeto ulertu nahian. Emaitzak jakin bitartean, gozatu kobazuloaren irudi hauekin.

Urte hasieran elkarrizketatu genuen EHUko geologo Arantza Aranburu, kobazulotan espezialista. Estalagmitak ikertzen ditu, iraganeko klimaren erregistroa gordetzen dutelako. Berriketaldi hartan jakinarazi genion Zumaiako parrokiaren azpian badagoela kobazulo bat. Interes handia agertu zuen, itsasoaren mailatik gertu dauden kobazuloen bila dabiltzalako. Bost hilabete eta gero, Zumaiara etorri dira Aranburu eta bere taldea, kobazuloa aztertu eta laginak hartzera. Laborategiko lanaren emaitzak esango du kobazuloak ikerketa sakonagorik merezi ote duen. Oraingoz, lehen helburua da kobazuloa noiz eta nola sortu zen argitzea.

Duela hamar urte izan genuen kobazulora lehen aldiz sartzeko aukera eta orduan erreportaje zabala argitaratu genuen 2009ko apirileko Baleike aldizkarian.

Erlazionatuak

Kobazulo bat herriaren bihotzean

Zumaia

Ez sinestekoa da: herriaren erdian, parrokiaren azpian, estalaktitaz jositako kobazulo eder bat. Duela 23 urte aurkitu zuten, Erribera kaleko atari...
Arantza Aranburu: "Iraganeko klimaren kutxa beltzak dira kobazuloetako estalagmitak"

Zumaia

Azken milaka urteotako klima nolakoa izan den zehaztasun handiz jakin dezakete ikertzaileek kobazuloetako estalagmitei esker. Lan horretan ari da A...
Erribera kaleko kobazuloaren argazkiak

Zumaia

Hemen dauzkazue parrokiaren azpian dagoen kobazuloaren zenbait argazki. Argazkiak: Gorka Zabaleta