Gipuzkoako Arraun Federazioak antolatuta, asteburu honetan Gipuzkoako trainerilla txapelketa izango da Hondarribiako uretan. Larunbatean, sailkapen estropada jokatuko da (ligako azkena ere izango dena), eta erlojuaren aurka binaka irtengo dira trainerillak. Goizeko 11:00etan hasiko da lehia eta Zumaiatik bi ontzi joango dira.
Igandean, berriz, txapelketako finalak jokatuko dira lauko tandatan, 11:30etatik aurrera.