2019ko Inauteriak iristear daude, halaxe adierazi zuten pasa den larunbatean kaldereroek. Martxoarekin batera hasiko dira Inauteriak ostiralean, eta astelehenera bitartean ekintzaz beteriko egunak izango dira. Hauxe da datozen egunetako egitaraua:
Martxoak 1, ostirala
- Arratsaldean, herriko ikastetxeetako haurren inauteri festa.
- 17:00 Ludotekako haurrentzat inauteri festa Ludotekan.
- 18:30 Ubillosen hasita Musika Eskola eta ZUMB-Musika bandaren inauteritako kalejira: Martxoko Periya. Ondoren, emanaldia Beheko plazan.
Martxoak 2, larunbata
- 12:00 Zumai txarangaren kalejira herriko kaleetan zehar.
- 12:30 Astindu dantza elkartearen dantza-kalejira.
- 17:00 Eusebio Gurrutxaga plazan inauteritako mozorro festa.
- Eta txokolatea banatuko da mozorrotuen artean.
- 18:00 Beheko plazan haurren mozorro lehiaketa.
- 18:30 Herriko kaleetan zehar kalejira Zumai txarangarekin.
- 18:30-21:00 Oxford aretoan Argazki Txokoa. Sariak Gertu elkartearen eskutik.
- 22:30-01:30 Kofradian disko-festa mozorrotua.
Martxoak 3, igandea
- 16:30 Aita Marin zinea
Martxoak 4, astelehena
- 15:00 eta 17:30 Zumaienan Pirritx, Porrotx eta Marimotots pailazoen ikuskizuna: Musua
- 18:00 Ludotekan LH 4-6 bitarteko haurrentzat inauteri festa (irekia)
Mozorro lehiaketak
Larunbatean hiru mozorro lehiaketa egingo dira. Arratsaldeko seietan haurrena izango da Beheko plazan. Lehiaketa horretan hiru sari banatuko dira: banako/bikote onena, taldeka 0-8 urte, taldeka 9-16 urte. Izen-ematea 17:00etan egingo da plazan bertan. Lehiaketarako musika berezi bat eskatu nahi bada, izen-ematean ekarri beharko da.
Iluntze aldera, berriz, heldu eta gazteentzat zuzendutako beste bi lehiaketa egongo dira. Alde batetik, 19:30etik 20:30era, kaleetan dabiltzan mozorro onenek saria izango dute. Epaileak herrigunean ibiliko dira mozorro ezberdinak ikusten, eta bi sari banatuko dituzte: banakako edo bikote onenarentzako 80 eurokoa, eta talde onenarentzako 200 eurokoa. Amaitzeko, 18:30etik 21:00etara, argazki txokoa izango da Oxforden. Sariak aurreko berdinak izan dira eta Gertu elkarteak emango ditu.