Eguerdiko ordubatak jotzeko minutu gutxi falta zirenean, moto eta furgoneta baten arteko talka izan da Artadirako bideko GI-3811 errepidean. Ertzaintzak jakitera eman duenez, errepide horretako bihurgune batean gertatu da istripua.
Ezbeharra gertatu den tokira bi anbulantzia eta suhiltzaileen kamioi bat gerturatu dira. Motoan zihoazten bi pertsonak onik daude, baina badaezpada ere beharrezko azterketak egitera eraman dituzte erietxera. Errepidea guztiz zabalik dagoela aipatu du Ertzaintzak.