Ohikoa izan ohi da negu giroagatik Gipuzkoako batel ligako jardunaldiak bertan behera uztea. Pasa den asteburuan hala gertatu zen Pasaian, eta oraingoan ere errepikatu egin da. Gaur Donostian, Urumea ibaian, jokatu behar zituzten estropadak, baina eguraldi txarra dela medio bertan behera utzi dituzte.
Indamendi mendi bazkunak igande honetarako aurreikusita zuen mendi irteera ere ez dute egingo oraingoz. Eusko Jaurlaritzako Segurtasun Sailak egindako deialdiari so eginez, Arabako Indiagana eta Ixogana mendietara egiteko asmoa zuten txangoa bertan behera utzi dute. Beste une baterako utziko dutela iragarri dute Indamenditik.