Santelmoetako haur danborrada laster hasiko da burrunba ateratzen. Apirila bukaeran ospatuko dira santelmoak, baina herriko umeak hemendik bi asteetara hasiko dira prestakuntza lanetan. Jakintza Berri kultur elkarteak jakitzera eman duenez, otsailaren 15ean, ostiralean, hasiko dira haur danborradako entseguak Komentuan. Bi egunetan egingo dira: ostiraletan, 18:30etatik 19:30etara, eta larunbatetan, 16:00etatik 17:00etara. Danborradan jotzen atera daitezkeen haur gazteenak 2012an jaiotakoak izango dira.