Urtarrilaren 16an Sagardo Berriaren XXVI. Eguna izango da, eta Astigarragako Gartziategi sagardotegian emango dio sagardo denboraldiari hasiera Olatz Arrieta EITBko kazetariak.
Sagardoaren Lurraldeak jakitera eman duenez, Astigarragako alkate eta Sagardun Partzuergoko presidente den Zorione Etxezarragak zuzenduko du aurkezpen ekitaldia. Hantxe egongo dira, baita, Eusko Jaurlaritzako eta Gipuzkoako Foru Aldundiko hainbat ordezkari.