Bi setetan nagusitu ziren Goikoetxea eta Portet, 15-11 eta 15-12 emaitzarekin. Txapelketa hau irabazi berri, gaur bertan Zumaian hasiko den Bakarkako Txapelketa irabaztea du helburu zumaiarrak. Urtea amaitzeko enpresek antolatu duten zestako desafioan ere parte hartuko du. Irastorza izango du Goikoetxeak atzeko koadroetan. Aurkariak Egiguren eta Imanol Lopez zumaiarra izango dira. Joaneko partida abenduaren 22an jokatuko da Gernikan, eta bueltakoa hilaren 27an Donibane Lohizunen.
Bakarkako txapelketa
Gaur hasiko da Aitzuri frontoian jokatuko den Bakarkako zesta txapelketa. 19:00etan hasiko da jaialdia. Lehen partidan Aimar Aldazabal eta Jokin Arbe neurtuko dira, eta bigarrenean Jean Olharan eta Christophe Olha. Lehen partidako irabazleak Iñaki Osa Goikoetxearen aurka jokatuko du finalaurrekoan, eta bigarren norgehiagokako garaileak Imanol Lopezen aurka. Finalaurrekoak datorren larunbatean jokatuko dira Aitzurin.